26 Jul போர்னோகிராபியிலிருந்து காப்பாத்துங்க! ப்ளீஸ்!

இணைய தளம் மற்றும் கைபேசியில்,  பாலியல் காட்சிகளைப் பார்ப்பது, அடிமைப்படுத்தும் தீய பழக்கமாகும்.  ஹெராயின் போதை பொருளுக்கு, அடிமையாவதற்கு சமமானது. இது பாவம். (மத்தேயு 5: 28). இச்சை இல்லாமல் பாலியல் காட்சி பார்க்க இயலாது.

“இணையதள பாலியல் காட்சிகள்,  உடலளவில் பாதிப்பு இல்லாமல் இருக்கலாம். மனதிலும், உணர்ச்சிகளிலும், பல வடுக்களை உருவாக்குகிறது.” மறுபடியும் பிறந்தவரும், இப்பாவத்திற்கு அடிமையாவது சாத்தியமே!

கிறிஸ்துவுக்குள் இருக்கும், பிசாசினால் வஞ்சிக்கப்பட்டவர் கூறுவது.

• இப்பாவத்திலிருந்து நான் வெளிவரவே முடியாது.
• இதனாலென்ன? எல்லாரும் தான் இதை செய்கிறார்கள்.
• நான் செய்வது, ஒருவரையும் காயப்படுத்துவதில்லை.
• இது என் பெலவீனம்.
• இது என் மாம்சத்தில் உள்ள முள்.
• எனது துணை மறுப்பதால், ரிலீஸ் பண்ணுவதற்காக, தேவன் என்னை புரிந்து கொள்வார்.
  இது வஞ்சிக்கப்பட்ட ஒருவரின் உலக கண்ணோட்டம்.

பாலியல் காட்சிக்கு அடிமை ஏற்படக் காரணம்

• தனிமை
• தீய தேர்ந்தெடுப்புகள்
• மனதில் இருக்கும் பாவம்
• வஞ்சிக்கப்படுவதால் (சாத்தானால்)

விளைவு

• தேவனோடுள்ள ஐக்கியம் பாதிக்கும்.
• குற்ற உணர்வு, வெட்கம்.
• அசுத்த ஆவிகளை வரவழைக்கும்.
• மூளை வேலை செய்யும் அளவை குறைக்கும். (இயற்கை அழகு ரசிக்க, மூளை மறுக்கும்)
• இயற்கையாக உள்ள ஆண்-பெண் கவர்ச்சியை, குறைத்துக்கொண்டே போகும்.
• அதிக அடிமைத்தனம் கவர்ச்சியை, இழந்துவிடச் செய்யும்.
  ரோமர் 1:24,26,27

இப்பாவ வீழ்ச்சியின் படிநிலைகள்

1.அறியும் கட்டம்

•  திடீரென பாலியல் காட்சியைப் பார்க்க நேரிடுகிறது.
•  அறிந்து கொள்ளும் ஆவலினால் செய்த பாவம்.

விடுதலைக்காக

• இடறி விழச் செய்யும், எதையும் அகற்ற வேண்டும். (மத்தேயு 18:9)
• கண்களோடு உடன்படிக்கை பண்ண வேண்டும். யோபு 31:1
• கண்களை, இருதயத்தை, எல்லாக் காவலோடும் காத்துக்கொள்ள வேண்டும்.

2.பழக்கக் கட்டம்

• தொடர்ந்து பார்க்கும்போது, மெதுவாக, பழக்கக்கட்டத்திற்குள் வந்து விடுவீர்கள்.
• இப்போது பாலியல் காட்சிகளைப் பார்ப்பதினால், உங்களுக்கு ஒருவித சந்தோஷமும், திருப்தியும் கிடைக்கும் என நம்ப ஆரம்பிக்கிறீர்கள்.

விடுதலைக்காக

• கணக்கொப்புவிக்க, ஒரு நல்ல மென்டார் அல்லது வாழ்க்கைத்துணையோடு, ஜெபிக்க வேண்டும்.
• சேர்ந்து ஜெபிக்க வேண்டும்.
• சபையில் அல்லது ஊழியத்தில் அல்லது சேவையில் உற்சாகமாக ஈடுபட வேண்டும்.
• திறமைகளைக் கண்டுபிடித்து பயன்படுத்த வேண்டும்.

3.அடிமையாகும் கட்டம்:

• இப்பழக்கத்தை, விட்டுவிட முடியாததால் பார்க்கிறீர்கள்.
• இப்போது, அது உங்கள் எஜமானாகி விட்டது.

விடுதலைக்காக

• இயேசு கிறிஸ்துவோடு, நெருங்கி வாழ்ந்தால், வெற்றி பெறலாம்.
• பரிசுத்த ஆவியானவரைச் சார்ந்து வாழுவதன் மூலம், வெற்றி பெறலாம்.
• நீங்கள் எந்த கட்டத்தில் இருந்தாலும், தேவனால், விடுவிக்க முடியும்.
• “இயேசுவோடு நெருங்கி வாழ்ந்தால் மட்டுமே,  முழு வெற்றிக்கு உத்திரவாதம்”
• உங்கள் வாழ்க்கைத் துணைக்கு (திருமணமாகாதவர் எனில், வருங்கால வாழ்க்கைத் துணைக்கு) உண்மையாக,உத்தமமாக (பாலியல் ஆர்வத்தை சேர்த்து வையுங்கள்) இருக்க வேண்டும் என்கிற எண்ணம், உங்களை பாதுகாக்கும்.
• பரிசுத்த ஆவியானவர், உங்கள் வாழ்வில் செயல்பட, அனுமதிக்கும்போது, வெற்றி நிச்சயம்.
• “இணையதளத்தில் பார்ப்பதை விட, நிஜ உலகத்தில், திருமண அமைப்புக்குள் இருக்கும் பாலியல் வாழ்க்கை ஸ்வாரசியமானது, செழுமையானது, திருப்தியானது, தேவனை பிரியப்படுத்துவது, மகிமைப்படுத்துவது “
• விடுதலை பெற்ற பின்னரும், மறுபடியும் வீழ்ந்துவிடக் கூடும்.
• இப்போது முன் நிலைமையை விட, அடிமைத்தனம் அதிகமாகிவிடும்.
• ஆனாலும், தேவன் உங்களை நேசிக்கிறார்.
• நீங்கள் எப்படி இருந்தாலும், எந்த நிலையில் இருந்தாலும், நீங்கள் இருக்கிற வண்ணமாகவே தேவன் நேசிக்கிறார்.
• நீங்கள் மறுபடியும் எழுந்து, பின்னானவைகளை மறந்து, முன்னானவைகளை நோக்கிச் செல்ல வேண்டும்.
• விடுதலை (அடிமைத்தன அளவு, மன மறுரூபம் சார்ந்த) சிலருக்கு, உடனடியாக, அற்புதமாக கிடைக்கலாம்.
• சிலருக்கு, படிப்படியாக, விடுதலை கிடைக்கலாம்.
• சிலருக்கு ,நீண்ட காலத்திற்குப் பின் விடுதலை கிடைக்கலாம்.

தேவன் நீங்கள் எத்தனை முறை விழுந்தாலும் கைவிடமாட்டார், மன்னிப்பார். ஆனால் பாவம், அதனுடைய பின்விளைவை செய்யும்படி, தேவன் அனுமதிப்பார்.